S'identifier Contact Avis
 
25.99° C
  à Port-au-Prince
Radio Pacific 101.5 fm - En direct
Le Journal Dernière heure Actualité Édito Tribune Société Économie Culture Diaspora Sports rpacific101.5 FM  
× Immobilier Appartements Maisons Locaux commercial Locaux pour Bureau Terrains Véhicules Voitures Camions Tout Terrains Minibus Motos Divers Animaux Articles ménagers Ordinateurs et pièces Équipement électronique Équipement industriel Équipement lourd Diverses études Légal Bijoux et montres Smartphone et tablettes Vêtements Jeux video
Akademi kreyòl ayisyen detèmine pou bay lang kreyòl la plis jarèt

Akademi kreyòl ayisyen detèmine pou bay lang kreyòl la plis jarèt








Konsèy tou nèf Administrayon Akademi kreyòl ayisyen an, ki enstale depi 9 janvye 2019, lanse aktivite pou make jounen entènasyonal lang matènèl, jou ki te lendi 4 fevriye a, sou tèm « An nou travay pou kreyòl vin lang ofisyèl peyi a tout bon » pandan yon konferans pou laprès nan lokal enstitisyon an ki chita, nan ri Ri Magerit, Tijo.

Plizyè aktivite ap òganize pou make mwa lang matènèl la, tankou konferans deba, atelye, seyans fòmasyon ak anpil entèvenan, ki se manm akademi an, oubyen lot pèsonalite nan peyi a, nan vil Ench sòti 12 pou rive 16 fevriye 2019

Aktivite yo ap tanmen jou k ap mèkredi 13 fevriye ak yon seyans fòmasyon pou jounalis, akademisyen Pierre Michel Chery nan lokal Bibliyotèk kominotè Ench lan, nan depatman Plato santral. Plizyè entèvenan, tankou akademisyen Pierre Michel Chery, pwofesè Jacky Marc, ki se yon jounalis, pwofesè Junior René Fils, ak akademisyen Rodny L. Estéus ap anime fòmasyon ki ap fèt sòti 8è nan maten pou rive 1è nan laprè midi.

Dezyèm pati aktivite sa ap kòmanse sòti 1è pou rive 3è ak yon konferans pou etidyan epi yon atelye sou dokiman JRD, nan Inivèsité piblik Sant (Fakilte Syans administrativ Mibalè), se akademisyen Guy Gerald Menard ki se tou sekretè Konsèy administrasyon Akademi an ki ap anime konferans sila.

Pandan 2 jou, swa jedi 14 fevriye, ak vandredi 15 fevriye, aktivite yo ap kontinye sou divès tèm. Konferans, fòmasyon ak atelye ki ap fèt nan plizyè espas tankou Inivèsite piblik la, Bibliyotèk kominotè a, lekòl Petit Séminaire Saint Martin de Porrès, lekòl Dwa, syans ak syans ekonomik Ench ak akademisyen Rogéda Dorcé Dorcil, Guy Gerald Ménard, pwofesè Jean Whig Noel, Junior René Fils, daprè sekretè jeneral KAD la, Guy Gerald Menard ki t ap prezante nou kalandrye aktivite yo.

Sou bò pa l, prezidan Konsèy administrasyon Akademi an, ki t ap entèveni nan lansman aktivite Jounen entènasyonal lang matènèl la, salye inisyativ Òganizasyon Nasyonzini pou edikasyon syans ak lakilti (UNESCO) pran pou dekrete dat 21 fevriye a kòm Jounen entènasyonal lang matènèl, ki daprè li se yon lokazyon pou tout peyi sou latè reflechi sou enpòtans lang matènèl nan ledikasyon ak ranfòsman lakilti, sitou nan yon peyi tankou Ayiti ki se yon peyi kote yo bay lang fransè plis valè ke lang matènèl la ki se kreyòl. Yon lòt kote, nimewo 1 Akademi an salye desizyon ministè Ledikasyon nasyonal ak Fòmasyon pwofesyonèl pran pou remete kominikasyon kreyòl nan egzamen ofisyèl Nouvo segondè a. Sepandan, Monseyè a swete gen plis aksyon ki fèt toujou pou tabli lang kreyòl la nan dokiman administratif Leta ak sektè prive a. Jijman nan tribinal yo dwe fèt an kreyòl, liv eskolè yo dwe ekri nan lang kreyòl, ki se lang matènèl peyi a, daprè manm Konsèy ajans inivèsitè frankofoni (AUF).

Plizyè elèv lekòl soti nan 9è ane fondamantal rive filo ki sòti nan lekòl Marie Esther, te asiste seremoni lansman aktivite mwa lang matènèl la. Yo te li plizyè tèks an kreyòl. Powèt Anivince Antoine te li youn nan tèks lanmou li yo pou chame piblik la, ckak elèv te sòti ak dènye nimewo jounal bon nouvèl nan men yo.

Aktivite pou make Jounen entènasyonal lang kreyòl la ap fèmen nan vil Ench ak yon bouyon kiltirèl ki ap fèt nan lokal bibliyotèk kominotè Ench. Yon seremoni ofisyèl ap fèt jedi 21 fevriye nan sant konvansyon Bank Repiblik Ayiti, anba lavi l, epi nan vandredi 22 fevriye, ki ap jou entènasyonal lang matènèl la, aktivite yo ap fèmen nèt ak yon delegasyon elèv lekòl lamatinyè k ap vizite lokal Akademi a pou yo echanje ak tout manm akademi an sou plizyè koze ki gen rapò ak lang kreyòl.

Akademi lang kreyòl la depi 9 janvye a, li gen nan tèt li kòm prezidan Pierre André Pierre, Michel Frantz Grandoit vis prezidan, Guy Gerald Menard sekretè jeneral, Rosilia Corneille François konseye, Marie Jocelyn Trouillot konseye, Emmanuel Michel Bazile, Michel Ange Hyppolite konseye.

Eguens Renéus



Articles connexes


Afficher plus [3475]