S'identifier Contact Avis
 
29° C
  à Port-au-Prince
Radio Pacific 101.5 fm - En direct
Le Journal Dernière heure Actualité Édito Tribune Société Économie Culture Diaspora Sport rpacific101.5 FM  
× Immobilier Appartements Maisons Locaux commercial Locaux pour Bureau Terrains Véhicules Voitures Camions Tout Terrains Minibus Motos Divers Animaux Articles ménagers Ordinateurs et pièces Équipement électronique Équipement industriel Équipement lourd Diverses études Légal Bijoux et montres Smartphone et tablettes Vêtements Jeux video

KNVA selebre kilti ak idantite ayisyèn nan vil Jakmèl

KNVA selebre kilti ak idantite ayisyèn nan vil Jakmèl



Nan lide pou pèmèt jenès jakmelyèn nan konnen kilti l ak tradisyon l anpil aktivite te òganize nan depatman an pandan peyi a tap selebre fèt Guedé ak la Tousen . Gwètode Sidès la Woodson Antoine te bay yon konferans nan Jakmèl pou pèmèt jenès la ak tout pitit Jakmel yo konnen kisa ki kilti li ak tradisyon li.


« Nan non konferans nasyonal vodouizan ayisyen (KNVA), nan non Ati nasyonal la Carl Henry Desmornes, mwen kontan avè nou jodi a pou nou reflechi sou tout sa ki fè fyète nou ak idantite nou kòm pèp. Pandan tout semèn nan kote n ap fete fèt ki enpòtan nan kalandriye vodou a li enpòtan pou nou reflechi ansan m sou tout fòs ki rasanble nou jodi sila ». Reprezentan Ati nasyonal la nan depatman Sidès pwofite lanse yon gwo Ayobobo pou tout pitit Jakmèl. « Mwen vle salye sila yo kap fè gwo jefò pou relijyon Vodou ka simaye nan tout peyi a patikilyèman nan depatman sidès. Nan konferans sila a li ensiste sou mo alada ki vle di mouri nan relijyon vodou. « Lè yon moun di li janbe Alada, sa vle d ii kite tè sa ale anba dlo. Jodi a li enpòtan anpil chak fwa nou reyini pou nou pale de kilti lakay, pou nou konnen kote nou soti , kote nou pwale ak kote nou dwe rive ».

« fèt nou fete chak premye ak de novanm gen anpil enpòtans pou nou. Jodi a nou pwal pale de fèt Gede ki sa li vle di koman li manifeste. Fèt Gede ak la Tousen nou fete chak premye ak de novanm. Se yon fason pou nou selebre Bawon Samdi , Bawon Kriminèl, Bawon Lakwa Ak lot lespri nan relijyon vodou a. Nan okasyon sila anpil vodouiyzan reyini pou nou selebre tout lespri lanmò. Lè yon moun mouri nan relijyon vodou li janbe Alada li montre nou ki benefis nou genyen ki fè nou konnen poukisa nou dwe viv, ki enpòtans la vi genyen. » Pandan konferans la, li eksplike sa fèt Gede reprezante nan kilti ayisyèn. Gwetode Sidès fè konprann guedé yo pa di betiz, li sèlman itilize kèk pati ki nan kò nou. Pati nan kò nou ki bay la vi. Lè Gede a vini li fè anpil gouyad, gouyad la se li ki mete kominikasyon nan nan mitan fi ak gason, ki kreye la vi. Gede a sèvi ak twa koulè koute nwa, koute blanch ak koulè mòv. Koulè mòv la senbolize la vi ki soti anndan Dambalah. Nou itilize blan ki di nou nou nan espas moun nan, espas kote l ap viv, nou itilize nwa ki senbolize i lanmò. Twa koulè sa yo mete ansanm pou fè nou moun nou ye a. Chak lwa gen spesifisite pal men guedé a se yon lòt bagay. Guedé a itilize piman, poud ak koton, Li itilize poud la tou pou li kapab kenbe kò a lè li soti anba dlo. Gede a sòti nan Alada anba dlo kote Agwe. Mèt Agwe se mèt dlo chak fwa li sot nan Alada li monte anwo tè a, li bezwen piman sa pou rechofe l pou mete vi nan limen’ m. li itilize tou koton pou respirasyon l. » Guede gen yon responsabilite de siveyans. Li sekirize moun ki genyen l. se poutèt sa yo rekonèt. « Gede Nibo kòm pwotektè tout mò vivan. Pandan li montre Gede a mifeste sou plizyè apelasyon TI Pis Lakwa, Jan Simon, Gedée Wouye, elatriye.

Anpil lòt aktivite te òganize nan pò touristik Jakmèl la tankou mizik ak dans. Twoup « Ballet Grand Soleil » ak Marasa-Rak Dayini Ginen. Kriye anpil anbyans non moman sa. Yon fason jakmelyen yo konen kilti yo ak idantite yo.

L. J. S




Articles connexes


Afficher plus [4172]