S'identifier Contact Avis
 
26° C
  à Port-au-Prince
Radio Pacific 101.5 fm - En direct
Le Journal Dernière heure Actualité Édito Tribune Société Économie Culture Diaspora Sport rpacific101.5 FM  
× Immobilier Appartements Maisons Locaux commercial Locaux pour Bureau Terrains Véhicules Voitures Camions Tout Terrains Minibus Motos Divers Animaux Articles ménagers Ordinateurs et pièces Équipement électronique Équipement industriel Équipement lourd Diverses études Légal Bijoux et montres Smartphone et tablettes Vêtements Jeux video


HMI a te chwazi absan nan antèman Supa Deno



Nan moman glwa li avèk DP Express, Ti Manno ki se yonn nan lejand mizik ayisyèn lan chante: « Mizisyen se on sèl kòd fanmi... ». Plizyè ane aprè anpil lòt chantè kontinye entèprete mizik sa a.

Lè semèn ki sot pase a la, yon mesaj vokal tap sikile sou rezo sosyal yo kote pastè Gregory Toussaint te pèdi kat batistè l pou l fè yon deklarasyon dwategòch pandan l tap preche pou l te pale mal de kèk gwoup konpa epi fè akizasyon sou chantè/sipèsta entènasyonal Roger Eugène « Shoubou » Monfort, nou tèlman te sezi wè ki kalite tanpèt endinyasyon (kategori 5) ki te travèse mizisyen, animatè radyo ak fanatik konpa akòz sa pastè a ye di an. Nou te prese bay Ti Manno rezon.

Nou te bat bravo pou solidarite ak inite mizisyen, atis yo te montre ki genyen antre yo. Nou te vle konprann san dout pwoblèm yon mizisyen se pwoblèm tout mizisyen. Dayè se nòmal, paske si mizisyen se yon sèl kòd fanmi, premye kote yon mizisyen ta dwe jwenn sipò aprè fanmi biyolojik li, se lakay frè ak sè mizisyen parèy li.

Men ta sanble ke prensip sa pa aplike pou tout mizisyen pa bò lakay nou. Nou fini konprann si « mizisyen se yon sél kòd fanmi... » se pa tout moun nan fanmi an ke yo trete ak menm konpasyon, ak menm respè. Bon, lavi a te toujou konsa wi. Lavi a se yon balans ki gen fòs kote. Ta sanble gen moman ki rive nan karyè yon mizisyen, depi zetwal ou pa briye ankò, depi desten an baskile lavi w epi jete w atè san w pa ka rekanpe sou 2 pye w, lòt mizisyen trete w pi mal pase etranje. Yo mawon w, imilye w, epi menm bliye w avan w mouri.

Men se pa sa sèlman non. Sa depann de ki tip mizisyen ou te ye, ki non fanmi w, ki estati sosyal ou genyen epi depi konbyen tan ou pa fè it, ou p ap mennen oubyen depi konbyen lane lavi a lage w nan lari tankou endijan. Li posib pou menm nan antèman w lòt mizisyen pa mete pye, kòmsi patisipe nan fineray ou, ale di w yon dènye orevwa, mennen w nan dènye refij ou t ap diminye nan onè ak vedèt mizisyen, atis ak animatè ki ale nan antèman atis ki mouri nan kras la.

Mezanmi, aprè gwo tanpèt endinyasyon ak bèl elan solidarite nou te wè mizisyen tap bay Shoubou, nou pa te panse, mwens pase yon semèn âpre, nan antèman ansyen glwa mouvman rap kreyòl la nan ane 1990 yo, Moise Denot (Supa Deno), jou samdi 8 dawout 2020, anpil mizisyen t ap prezan pou yon dènye omaj a atis la. Elas, elan solidarite sa pa t sanble atis ki tonbe avan l mouri tankou Supa Deno. Nou aprann ak yon sous nou fè konfyans, menm prezans 4 ak 6 frè mizisyen Supa Deno pa t ka jwenn pou pote l mennen depoze nan dènye refij li.

Fason Supa Deno mouri an te deja tris epi terib paske li soufri anpil pandan yon semèn aprè moun yo pa rive idantifye te fin maspinen atis la ak kou nan zòn Pòtay Leyogàn. Epi malgre lanmò Supa Deno te fè bri sou rezo sosyal, nou pa janm wè ni tande animatè radyo ki pi popilè yo, ni frè mizisyen yo, ni ti mesye ki ap fè bè yo nan rap kreyòl jounen jodi a, leve vwa yo pou mande ankèt sou lanmò Supa Deno ni jistis pou atis la. Si se pa t asosiyasyon ASRAP ki te panse pibliye yon nòt epi kòmanse yon petisyon pou mande minis Jistis la pou l pase lòd ak lapolis e lòt otorite konsène pou lanse yon envestigasyon sou lanmò a, pa t ap gen pèsòn ki panche sou ka Supa Deno an. Petèt nouvèl lanmò a poko janm rive nan zòrèy lapolis, ni nòt la pa t rive jwenn minis lan.

Kòmsi paske aprè yon aksidan machin vè ane 2010 yo, Supa Deno te resevwa yon chòk nan tèt e sa ta pral fè atis la gen ti pwoblèm sikolojik epi devlope adiksyon ak alkòl joustan l te vin ap drive tankou endijan nan lari a nan zòn Plas Sentàn, li te gentan sispann moun pou sa? Kòmsi nouvo estati devyan sosyal li te vin genyen depi ane 2015 yo te efase tout zèv mizikal li epi retire tit atis/mizisyen an nan palmarès li joustan lòt atis, mizisyen, animatè radyo pa t menm ka panche sou fason trajik Supa Deno tonbe an. Menm sanblan y ap mande jistis yo pa fè, alewè pou yo ta ale patisipe nan fineray li?

Si fwadè frè ak sè mizisyen nan endistri mizik nou an fas a lanmò Supa Deno etone w e si se atik sa ki ap aprann ou pa t gen 4 rapè ou mizisyen nan antèman Supa Deno, fòk m di w tou, selon Kattia Georges, yon bon zanmi Supa Deno depi lontan ki se yonn nan moun tou ki te pran swen l pandan l te nan lari a epi pandan semèn avan l mouri an, pyès medya ni reprezantan ministè Lakilti, ni konfrè rapè ou mizisyen pa t janm chache vizite fanmi ak pwòch Supa Deno pou yo ta konnen kijan y ap fè pou antere l, vwa pou yo ta mande dat antèman l.

Se tris pou menm nan okazyon fineray yon gwo atis tankou Supa Denot pou frè ak sè mizisyen, rapè, animatè/prezantatè emisyon rap, pwomotè, elt. ki ta dwe pwofite mennen atis la nan dènye repozwa li, yo pa reponn ak randevou a.

Bon eske pastè Gregory Toussaint pa gen yon ti kal rezon, menm si diskou li te manke elegans ak charite? Kòmsi si nèg yo te konnen Supa te gen gwo sipèsta entènasyonal kòm zanmi ki t ap deplase vin nan antèman li, nou pa panse anpil rapè, DJs, mizisyen, atis, animatè, jounalis e menm reprezantan gouvènman an t ap debake pa pakèt pou yo te ka fè wè sou kamera ke yo te la epi bay lamen epi fè foto ak gwo sipèsta entènasyonal.

Antouka, ipokrizi, mank senpati ak konplèks nou rive lwen. Mesaj nou voye a klè. Nou pa moun !

Mingolove Romain




Articles connexes


Afficher plus [4969]