S'identifier Contact Avis
 
23° C
  à Port-au-Prince
Radio Pacific 101.5 fm - En direct
Le Journal Dernière heure Actualité Édito Tribune Société Économie Culture Diaspora Sport rpacific101.5 FM  
× Immobilier Appartements Maisons Locaux commercial Locaux pour Bureau Terrains Véhicules Voitures Camions Tout Terrains Minibus Motos Divers Animaux Articles ménagers Ordinateurs et pièces Équipement électronique Équipement industriel Équipement lourd Diverses études Légal Bijoux et montres Smartphone et tablettes Vêtements Jeux video


Lansman dezyèm edisyon Festival entènasyonal literati kreyòl



Ekip Festival entènasyonal literati kreyòl lanse ofisyèlman dezyèm edisyon festival sila a nan Centre culturel cinémathèque nan Tijo (Turgeau). Devan anpil moun nan sosyete sivil la tankou manm akademi Kreyòl Ayisyen yo (AKA) ak prezidan donè dezyèm edisyon sila a ekriven Jean Euphèle Milcé ak lòt envite k ap patisipe nan kokenn chenn festival sila a k ap dewoule ane sa a anba tèm : « Pouki n ap fè literati » soti 2 pou rive 6 desanm 2020.


Anpil aktivite ap simaye nan peyi a pou selebre dezyèm edisyon Festival entènasyonal literati kreyòl k ap fèt Pòtoprens, Senmak, Gonayiv, Okay ak Bonbadopolis. Lekti senik, kozri, pwojeksyon fim, atelye kreyasyon pwezi elatriye. Yon pakèt aktivite gen pou dewoule nan Lakou Kanga Twa Zile, nan sant kiltirèl Dede Dorcely, nan Bureau national d’ethnologie ak nan Paradise hôtel nan Bonbadopolis. Se anpil ekriven ayisyen tankou lòt bò dlo k ap bwase lide, k ap reflechi pou voye literati ak lang kreyòl la monte, tankou Francketienne, Pierre Michel Chery, Jacques Adler Jean Pierre, Bonel Auguste, André Fouad, Iléus Papillon, Nicole Cage, Dionne Lamothe, Yves Marie Seraline, Lyonel Trouillot, Jean Euphèle Milcé, Raphaël Confiant… Genyen tou aktivite k ap fèt an liy, k ap disponib sou paj Facebook FEL Kreyòl.

Pou envite donè dezyèm edisyon festival sila a ekriven ak editoryalis jounal Le National Jean Euphèle Milcé Festival entènasyonal kreyòl se yon gwo jefò nou fè pou bay Ayiti yon evènman wodpòte. Li kwè tou festival sila a se youn nan pi gwo mwayen pou defann lang Kreyòl la : « li toujou pi bon lè gen moun ki rekonèt travay syantifik, ekriven, militan ak kreyatè k ap goumen depi plis pase de syèk pou valorize lang patrimonyal ak kilitirèl peyi Dayiti, se yon lonè pou mwen, mwen menm ki prezidan donè dezyèm edisyon sila a e k ap goumen pou voye lang ak literati kreyòl la monte pou m di peyi Dayiti dwe pran tèt tout manifestasyon ki pou bay lang ak literati kreyòl la bourad. » Pou Annivence Jean Baptiste FEL kreyòl se yon espas ki louvri pou tout kreyatè k ap pwodwi nan lang kreyòl, layite yo, se yon espas ki reponn ak yon nesesite istorik pou Ayiti òganize yon evènman konsa. Li pwofite anonse dezyèm edisyon festival sila a ap diferan paske li gen ladan li yon espas ki konsakre ak timoun piti paske li nesesè selon li menm e depi tou piti pou enterese timoun yo nan zafè lespri ak kreyativite. Iléus Papillon nan yon ti bat bouch li te fè ak jounal Le National salye inisyativ sila a k ap reyini pandan senk jou anpil entèlektyèl k ap ekri nan lang pèp la pou yo tradui emosyon, lanmou, espwa, desespwa pèp yo. Se yon fenèt, daprè li, menm ki louvri pou ekriven lang kreyòl yo ekspoze zèv yo.

Schultz Laurent Junior




Articles connexes


Afficher plus [5250]