RTPacific Contact Avis
 
30.61° C
  à Port-au-Prince
Radio Pacific 101.5 fm - En direct
Le Journal Dernière heure Actualité Édito Tribune Société Économie Culture Diaspora Sport rpacific101.5 FM  
× Immobilier Appartements Maisons Locaux commercial Locaux pour Bureau Terrains Véhicules Voitures Camions Tout Terrains Minibus Motos Divers Animaux Articles ménagers Ordinateurs et pièces Équipement électronique Équipement industriel Équipement lourd Diverses études Légal Bijoux et montres Smartphone et tablettes Vêtements Jeux video

Dènye rekèy powèm Bonel Auguste la di nou vil la make san

Dènye rekèy powèm Bonel Auguste la di nou vil la make san



Depi Félix Morisseau Leroy pase pran Franckétienne, Pauris Jean Baptiste , Emile Célestin Maggie pou rive sou Annivince Jean Baptiste, Jean Claude Koralen, Pierre Michel Chéry , pwezi kreyòl ayisyen an ap taye banda doudous kòl Nan literati peyi Dayiti. Bonel Auguste ki we bibliyotekè , jounalis, komedyen, powèt, womansye pibliye Kay C3 Éditions yon rekèy powèm ki rele «San».

 Rekèy sila a gentan 56 paj. Li parèy nan C3 Éditions. Pwezi ki ladan l yo plen mak san. Ou santi se yon powèm k ap soufri, souf li koupe, gòj li koupe, zantray li ap dechire devan tout sa k ap pase andedan peyi a. Fòk ou pata Ayisyen pou pa santi lè wap gade eta peyi a. Lè wap gade anpil moun yo toute Nan lari, San yo tounen rigòl pou mouch an tout vye lòt bèt vinn paweze.

« San an koule sanzatann
se pa san sanmanman/ se san inosan
San koule
Nan pousyè blòk ak siman
pou brase mòtye ak siman
pou brass mòtye yon kay
san fondasyon
Ala doulè
pou manman pitit
k ap tande Bri blese
rèl lanmò pitit li
San lpa ka sera l nan bra l
kouri avè l
Nan yon sèl kout années sekou
ala tray pasay
kout photo sezaryèn. »

Nan rekèy powèm sila a ki genladan l desen atis Pasko, Bonel Auguste desinen ki koulè fini jounen nou ak lannwit nou gentan. Ou genyen enpresyon powèt la ap chache makonnen yon reyalite k ap maspinen nou depi douvanjou jiskaske solèy fè vwal pou peyi san chapo.

«pa gen lanmò
nan lanmò
se nan lavi
ki gen lanmò
chak jou
M mouri mourim
pou m ka jwenn
pi bèt imaj mwen
lanmò se yon miwa
lanmò plen rèv.

Pwezi toujou rete yon santiman ki rete byen fin anndan nanm powèt. Santiman sa yo toujou montre aktè jan powèm la viv, jan l ap soufri , jan li montre tourapò no gengen ak moun , li gentan nan antouraj li ak jan l ap viv yon pakèt dram, yon pakèt foli li viv oubyen k ap pase douvan je l. Pwezi ki nan rekèy powèm «San» se pa yon pwezi ki ekri konsa konsa. Se yon pwezi ki gen tan tèm. Se yon pwezi ki ekri ak touman. Se yon pwezi. Se yon pwezi ki gentan nou tout malengra ak gwo java k ap ponpe san nan vi nou, benyen depi nan kòmansman jouk rive anba finisman kèk powèm san k ap koule tanbou flèv Latibonit k ap ponpe dlo paske li neye.

« Depi m ap ekri
men m plen san
San Jacques Stephen Alexis
k ap swente
nan chak pyebwa mizisyen
depi m AP ekri
men m plen san
san Magloire Saint-Aude
san Carl Brouard
san Gary Augustin
ki te kwè alkòl
ka geri lapenn anndan. »

Pwezi sila a se yon fason pou otè a sòti Nan wonn ki rasanble tout moun ki koupab, tout moun k ap touye moun devan dèyè, tout moun ki nan tout zap malonèt, tout moun ki pap pale pandantiyo rigòl san ap koule lakay yo sou konn sewòm ki pete anndan venn malad. Se yon pwezi angaje ki anraje seven sa k ap pase sou bout tè papa Dessalines Nan li men m tou nou te touye nan yon dat tout moun alawonnbadè vle bliye.

«Moun sa yo. Timoun
mouri an rete tout poupe
malfektè yo pap wont
vyole anfans nou
timoun
al sera tout sèk
moun sa yo pap pè
pann inosans nou
Nan yon vye fè sèso wouye
Timoun
kache ralba, toupi
woman endous encho
plamencho
moun sa yo pa nan jwèt
tout jwèt yo we mò rèd.

Pou nou fini nou kapab di gentan anpil emosyon nou jwenn nan mitan kèk tèks. Powèt la fè pase sa li santi , sa ki trakase I san li pa twò montre sa. Pou li menm sa ki pi enpòtan pou nou chanje peyi sa a se lè nou chans pran konsyans nou sou yon wout ki pa p menmen nou pyès kote.

Schultz Laurent Junior




Articles connexes


Afficher plus [5420]