S'identifier Contact Avis
 
31.47° C
  à Port-au-Prince
Radio Pacific 101.5 fm - En direct
Le Journal Dernière heure Actualité Édito Tribune Société Économie Culture Diaspora Sport rpacific101.5 FM  
× Immobilier Appartements Maisons Locaux commercial Locaux pour Bureau Terrains Véhicules Voitures Camions Tout Terrains Minibus Motos Divers Animaux Articles ménagers Ordinateurs et pièces Équipement électronique Équipement industriel Équipement lourd Diverses études Légal Bijoux et montres Smartphone et tablettes Vêtements Jeux video
Iminite !

Iminite !








Yon jou pou chasè, yon lòt pou jibye. Koze sa a pa gen dout ladan l.

Semèn pase a, Messi te wa, semèn sa a se mi l ap raze mi yon ayeropò, prèske met perik pou fanatik, move kou kong, pa charye l kòm papa louzè. Se jwèt la ki di. Jodi a se fèt. Demen se vant kòde.

Anpil fwa, nou plede reve lavi a menm jan ak jwèt foutbòl. Sa vle di
chak défet ta dwe yon ranp pou relanse w pou w ka retounen pi fò. Pi
bon. Pou fè sa, fòk gen anpil imilite.

Gen yon senatè ki natirèlman gen yon iminite blennde nan dèyè pòch li epi yon lòt senatè ranje kò l, sou tèt komisyon jistis l ap dirije, pou fè kolèg la al chèche yon bon kote pou l al kache, si lajistis pa
ta deside fèmen l. chak fwa senatè akize a louvri bouch li pou l
defann tèt li, se fouye li fouye yon tou pi fon pou l antere tèt li.

Boutofen, senatè a jwenn yon parad pou ranvèse sitiyasyon an. Li kite
lepèp ap pale sou rezo zanmi yon chèf gang, li deside pote kòb
Senmichèl, anvan fèt Sentiv, pou refè mi lekòl. Yon viktwa apre yon
défèt. Nòmal. Tout bon jwè konn sa.

Se toujou konsa. Yon senatè atire yon lòt, de lòt. Jiskaske yon jwenn kowòm.

De lòt senatè monte mòn Senmichèl, travèse disèt pas dlo pou y al pote ze ak poul bay pèp la. Antouka, li difisil pou konn kisa ki te pase. Pèp la di mèsi pou pwovizyon yo epi gen ladan yo ki kalonnen delegasyon an ak kout wòch. Nou ka di se te yon move jou.

Anmenm tan, kote n ap tann yon palmantè, se pa la nou jwenn li. Paske gen yon sispenns sou konpozisyon ak validasyon gouvènman k ap vini a, nou te ka al ranje kabann nou sou bisantnè pou tann rasanbleman palmantè ki gen pouvwa pou jere kesyon sa a. Paske, vle pa vle, Konstitisyon bay palmantè yo pouvwa pou monte, kesyone epi jete gouvènman. Men, nou poko wè ki kote, yo ta dwe bay jesyon ti pwojè kominal ak èd sosyal priyorite.

Se deja pa mal. Majistra kominal la jwenn di milyon goud. Sa se kòb Leta ki pase nan men senatè a, men ki enskri nan bidjè Larepiblik. Senatè a fè dyòb lapòs, men tout kamera sou li. Ou pa bezwen mande non majistra Senmichèl la, Misye poko egziste.

Sankatrevenmil goud, monpè leve nan men senatè a ka yon bèl koudmen pou rekouvri legliz la. Se koulye a nou rann nou kont kwi vann pi chè pase tòl. Kòb la pa menm ase pou achte yon bòt. Legliz sa sanble li pa pi chè pase yon klozèt malere.

Monpè ap priye. Palman an ap ede. Tout moun jwenn !

Jean-Euphèle Milcé



Articles connexes


Afficher plus [3174]