Sitiyasyon lavi

Gen jou ou souri devan moun

Men anndan  ou fatige.

Fatige ap goumen ap pè yo

Fatige ap eseye jwenn on solisyon

Fatige pa wè rezilta malgre efò yo

E pafwa ou konn menm mande tèt ou

Èske m ap janm rive vre nan vi sa?

Men tande sa byen zanmim

Menm lè pèsonn pa wè efò w kounya

Menm lè pèsonn pa bat bravo pou ou

Sa ou ap fè kounya li gen valè.

Chak fwa ou leve malgre doulè a di

Se prèv ou fò.

Chak fwa ou kontinye aprann malgre sousi

Se prèv ou pa lage.

Ou ka pa kote ou vle ye jodi an

Men ou pa kote ou te ye yè.

E sa gentan yon viktwa.

Pa kite dout kraze rèv ou yo

Pa kite difikilte fè w bliye kiyès ou ye.

Paske verite a se pa lage

Ou gen plis fòs pase ou panse.

Ou gen plis valè pase moun wè.

E ou gen yon avni ki pi gwo pase doulè w ap viv jodi a.

Tankou pèsonn pa wè efò w

Tankou pèsonn pa konprann batay ou yo

Ou eseye ou tonbe

Ou leve ankò pi rèd epi ou kontinye vanse

Men gen yon bagay ou pa dwe janm bliye

Chak doulè ou ap viv jodi a se prèv ou fò

Se li menm k ap fòme fòs ou pou demen.

Ou pa fèb

Ou nan pwosesis.

Wi ,li pa fasil

Wi pafwa ou bouke

Men pa lage.

Paske chak fwa ou aprann yon bagay nouvo

Ou ap vin pi pre moun ou vle ye a.

Pa gade kote ou ye jodi an

Gade kote ou prale.

Pandan lòt moun ap dòmi sou rèv yo…

Ou menm, leve , travay, aprann , grandi.

Epi kwè mwen

Yon jou

Ou pral gade dèyè kounya

Ou pral fyè de tèt ou.

Paske ou pa t abandone.

Kenbe fèm , pa lage

Paske pi bèl vèsyon ou yo

Li poko menm parèt

Kenbe fèm , pa moli

Menm si li difisil fè prèv ou fò

Menm si ou poukont ou

Paske yon jou , li gen poul jou

E tout dlo nan je sa yo

Ap tounen fyète.

E ou pral di ak kè kontan

“Mwen pa t lage yon jou , malgre m t santim fèb e se sa ki fè m rive.” »

Loïshama Djennipha SYLVAIN