Si w vle wè jan mizè
lonnen n pa bras
Lè rèl machann bay baboukèt
grinnbak Lincoln flank goud sabò
Jan pòch lari mouri bobis
Al gad latibonit
W a wè longè chagren leta plante isit
nan manti karavàn
W a wè rèv n an reta
Plenn kil de sak s on abse bò tete gòch
Lanmò n san dat
Bò isit
antèman n pa gen jou
W a wè rèv la fin mazora
Nan kannale sou dan
Pil fatra lòt peyi
W a wè lavi isit s on paswa
K ap fè lanmò lasisin
Alevwa pou ladwann ak fwontyè baryè lib
James Stanley Jean-Simon